Novas

Documentación da Xornada sobre Arduino Xa podedes descargar a documentación da xornada sobre Arduino na sección "Imaxes e documentación. Diapositivas e prácticas. Guía rápida da linguaxe arduino ligazón permanente Enviado o 11-11-2008

II Xornada Monográfica de APETEGA. Control automático e robótica con Arduíno Aberto o prazo de inscrición O vindeiro 8 de novembro a Asociación do Profesorado de Tecnoloxía de Galicia organiza a súa II Xornada Monográfica, que tratará este ano sobre os contidos de control e robótica do currículo de Tecnoloxía, que se abordarán mediante a utilización da controladora Arduino. A xornada terá lugar no IES Pedra da Auga, de Ponteareas, e estará limitada a un máximo de 40 persoas. Tes toda a información na sección Xornadas monográficas ligazón permanente Enviado o 22-10-2008

Inscrición na IV Mostra de Proxectos Información sobre o desenvolvemento da mostra Na sección "Mostra de proxectos" tedes toda a información relativa á IV Mostra de proxectos de Tecnoloxía que se desenvolverá en Compostela o venres 6 de xuño. Debedes inscribirvos se ides participar levando proxectos, para facer unha previsión do número de mesas que farán falta, así como para coñecer ós centros dos que proceden os proxectos. Animádevos a participar! ligazón permanente Enviado o 28-05-2008

IV MOSTRA DE PROXECTOS tecnoloxía na rúa    O día 6 de xuño de 17:30 a 19:30 horas realizaremos a mostra de proxectos na praza do Toural de Santiago de Compostela.    Esta actividade é de grande calado, pois tratase de mostrarlle á sociedade o que facemos dentro das aulas de Tecnoloxía. Como dicimos no cartel, tratase de “Tecnoloxía na rúa”, para que os paseantes podan observar, distraerse e comentar cos seus veciños o que viron na Praza.    Debedes de traer todos aqueles proxectos que fixestes na aula e que a vós vos gusten,e por suposto se asistides cos alumnos e alumnas mellor. Tamén recomendamos aos compañeiros e compañeiras de Santiago e cercanías que animen ao seus alumnos e alumnas a achegarse por alí.  Moitas grazas polo voso esforzo a pro da Tecnoloxía.   ligazón permanente Enviado o 26-05-2008

SECUNDAMOS ÁS PROTESTAS A Asociación do Profesorado de Tecnoloxía de Galicia (APETEGA), reunida en Asemblea Extraordinaria o luns 28 de abril, decide apoiar a convocatoria de folga do martes 29 de abril, e a manifestación con saída da Praza do Toural ás 11:30 ata a Consellaría de Educación, en Santiago de Compostela. A Xunta Directiva de APETEGA ligazón permanente Enviado o 28-04-2008

[Páxina1] [2] [3] [4] [5] [6] [7] [8] [9] [10] [11] [12] [13] [14] [15] [16] [17] [18]